Ferran Torres këmbëngul të qëndroj në Barcelonë, e ndjen vetën të aftë për blaugranat

12:17 | 11 Tetor 2023
D.H

Ferran Torres dukej jashtë projektit të Barcelonës dhe në merkaton e verës të gjithë prisnin që sulmuesi të akomodohej në një tjetër klub. Megjithatë, spanjolli këmbënguli për të qëndruar pjesë e blaugranave dhe në këtë fillim sezoni ka pasur minuta në dispozicion nga trajneri Xavi Hernandez ndërsa ka shënuar edhe tre gola. Së fundmi, 23-vjeçari shprehet se nuk e mendoi kurrë të largohej nga katalanasit, ndërsa thekson se ai e ndjen veten të aftë për të triumfuar me fanellën e Barcelonës.

“Nuk kam folur me Xavin përsa i takon merkatos. Unë e kisha bërë të qartë në një intervistë se nuk do të largohesha nga Barcelona. Nuk dua të bëj polemika tani, por mendoj se u ekzagjerua pak me përdorimin e emrit tim në merkato.

Unë isha shumë i qartë dhe i vendosur, nuk do të largohesha për asgjë nga Barcelona. Kam një kontratë me klubin dhe dua të triumfoj me Barçën sepse e ndjej veten të aftë për t’ia dalë këtu”, tha Torres./SS

 

 

Shpërndaje në rrjete sociale

Lajmet më të lexuara

Të ngjashme

Foto lajm